Metodozko oinarriak

Nerabezaroaren ikuspegian oinarritutako interpretazioa

Nerabeen portaerak dira ohi denez arreta eskatzen dutenak eta horretaz jabetuz gure interbentzioaren oinarria ez dago haien aldaketa azkarrak eta erabatekoak lortzera bideratuta. Interbentzioaren ardatza hauxe da, portaera horiek zentroko nerabeekin, haien familiekin eta beste nerabe batzuekin batera ikuspegi ebolutibotik aztertzea.

Horregatik, gazteekin konfiantzazko harremanak eta harreman afektiboak ezartzea da gure lehentasun nagusia. Horixe da aldaketa-prozesu osoaren oinarria eta eragilea.

Beraz, hezkuntzari eta harremanei lotutako alderdiek garrantzi handia dute Programan. Eta alderdi horiek zentzu zabalean aztertzen dira, ez bakarrik ezagutzen lorpen soilean oinarrituta, autonomia eta heldutasun kritikoa lortzeko prestakuntzaren garapenean baizik.

Kontua ez da besterik gabe informazioa eskaintzea, nerabeek erantzukizunezko erabakiak hartzeko gaitasuna izan dezaten eta beren baloreak argitzen saia daitezen lortzea baizik, bizitzako egoera desberdinetan aplikatuz.

Jokabide-eredu jakin batzuk inposatzetik edo galaraztetik harantz, zenbaitetan muga argiak ezartzea beharrezkoa izan daitekeen arren, Programak adostasuna bilatzea sustatzen du, nerabeen, haien familien eta zentroaren arteko negoziazio-prozesu baten ondoren. Hala, portaera bezalako alderdia, hasiera batean «gatazka» gisa hartutakoa, positiboki aldatu daiteke eta haien auto-hezkuntzarako baliagarria izango den eta erabakiak hartzeko duten gaitasuna erabiltzeko familiak onartuko duen osagai bihurtu.